臥龍正宗成都麻辣火鍋 (Closed)

好耐無食麻辣火鍋，於是就約朋友去食。朋友搵到呢間話想試，於是就去試下。一上到去，地方唔算大，但裝修唔錯，好有feel。我地點左個鴛鴦鍋，造型勁吸睛啊，牛油係麻將甘，好得意。比你影完相就會加湯，食左個湯底，真係勁辣啊，不過唔麻。呢個係手切黃牛頸脊，好好味，牛味好重，而且唔會鞋，好食。脆鲩魚片好失望，勁多骨，同埋好似腥腥地，價錢唔平但得幾片。呢個四寶丸，無麼特別，普通肉丸。鬼馬油條，好味，油條仲係脆噶。面頭分別係蝦滑同墨魚滑，個人覺得蝦滑好味d，蝦味好重，又夠爽口。冰豆腐，好失望，雪味好重，辣味都掩蓋唔到果陣雪味。黑毛豬肉片，有驚喜，無豬腥味，反而有淡淡肉香味，而且切得夠薄，涮兩下就熟，唔會鞋，仲有小小滑，好味。