Video
Read full review
2024-03-27
138 views
夫婦倆走入海防道臨時熟食中心，冇咩特別期望，但係知道裡頭有網紅店，因為時間尚早、十一點未到、應該唔需要排隊，就走入去搵食。眼見大大隻招牌寫住「秘製豬扒」，決定一試。誰知，跌落萬丈深淵… 時間係早上10:50，還有早餐菜單，就點早餐食：1. 早餐F，秘製豬扒通粉 + 凍啡少甜少奶。湯通粉同豬扒分開上，時間隔咗兩三分鐘左右。通粉湯應該係開粉的… 唔緊要，但係竟然未溶晒、清楚見到。豬扒是炸過的、有一啲應該係秘製醬汁附身、一件切開兩舊、夾返埋的話、用元朗冰室標榜的厚豬扒餐比較大約只有佢哋三分之一，其中一舊三分一係骨。重點係唔好食、肉質實、難咬、柴口、冇味。凍啡，冇啡味、難飲。2. 早餐 F，秘製豬扒一丁+ 凍啡少甜少奶。應該唔係一丁（最後用佢收我既錢計返轉頭，肯定了唔係一丁，估計冇聽清楚柯打，收既錢係普通公仔面）… 唔緊要，湯係暖的，唔夠熱，面可能因此幾有口感… 。豬扒… 表面切出嚟係三/四小件，但係同上，一樣，夾返埋其實好細件，其中一件一半係骨。口感一樣！豬扒同公仔麵分開上，又係隔咗三分鐘左右。凍啡，同上。收費：$100/2人感覺太差了… 呢間餐廳對品質完全冇誠意，對成個熟食中心印象都打哂折
時間係早上10:50，還有早餐菜單，就點早餐食：
1. 早餐F，秘製豬扒通粉 + 凍啡少甜少奶。
湯通粉同豬扒分開上，時間隔咗兩三分鐘左右。通粉湯應該係開粉的… 唔緊要，但係竟然未溶晒、清楚見到。豬扒是炸過的、有一啲應該係秘製醬汁附身、一件切開兩舊、夾返埋的話、用元朗冰室標榜的厚豬扒餐比較大約只有佢哋三分之一，其中一舊三分一係骨。重點係唔好食、肉質實、難咬、柴口、冇味。凍啡，冇啡味、難飲。
2. 早餐 F，秘製豬扒一丁+ 凍啡少甜少奶。
應該唔係一丁（最後用佢收我既錢計返轉頭，肯定了唔係一丁，估計冇聽清楚柯打，收既錢係普通公仔面）… 唔緊要，湯係暖的，唔夠熱，面可能因此幾有口感… 。豬扒… 表面切出嚟係三/四小件，但係同上，一樣，夾返埋其實好細件，其中一件一半係骨。口感一樣！豬扒同公仔麵分開上，又係隔咗三分鐘左右。凍啡，同上。
收費：$100/2人
感覺太差了… 呢間餐廳對品質完全冇誠意，對成個熟食中心印象都打哂折扣。「秘製豬扒」？
Post