玖五牛肉麵 (Closed)

終於食左最索千金超蓮係台灣引入嘅牛肉麵店啦。招牌入面有牛筋牛肉同埋牛肚,每樣都非常之入味同軟淋,輕輕咬下就已經化開。麵質好似日本拉麵咁有得揀軟硬度,個人比較鍾意食硬嘅麵質。紅燒湯底啱晒重口味嘅我,用左大量牛骨同藥材熬煮而成,牛肉味濃郁,而且食完唔會口渴。雖然蕃茄湯底係香港限定囗味,但係相對紅燒口味就較為失色,牛肉味道依然但就較為清甜D。麻辣臭豆腐上枱散發出對於我來講就好香嘅臭豆腐味,但食落相對麻辣味比較突出,而且亦夠嫩滑入味。當然唔少得要試下連謝霆鋒都大讚好味嘅滷水豬耳,入味得黎帶有微爽。另外一款小型食叫做豆魚,係用咗腐皮包住芽菜再配上香濃嘅芝麻醬,食落清爽。