神石燒牛扒專門店 (碧街) (Closed)

今晚同朋友去咗食最鍾意嘅燒肉🥩，我哋去咗油麻地呢一間都幾多人排隊嘅「神石燒牛扒專門店」！餐廳有一個自助吧，可以自己添加飯、沙律、湯。我整沙律就最鍾意嘅多啲紅蘿蔔絲、粟米🌽、蕃茄、生菜🥬，真係好fresh！今次我就揀咗呢個明火石燒：澳洲M7黑毛和牛一人盛 $178🌟澳洲M7黑毛和牛真係超級正，咁多款牛入面我最鍾意食佢，和牛嘅肥瘦適中，燒嘅時候有少少油脂，令到成舊肉更加Juicy😋除咗呢款牛其他牛肉嘅質素都唔錯，總有一款啱你胃口❗️清酒煮蜆真係好香酒味，清酒嘅味道，更加突顯蜆肉嘅鮮味，飲落去仲有啲鮮甜嘅味道，飲完個胃都會暖暖地好舒服！