十八夢

今次又同朋友約埋去我哋最鍾意嘅18夢到食嘢😋，餐廳嘅環境氣氛好好，最鍾意一齊慢慢食好嘢慢慢傾偈！今次有新發現啊！估唔到呢一間餐廳嘅魚生飯咁吸引，之前嚟呢到多數都係食西餐，但今次發現佢哋Menu竟然有日本嘢，好奇之下試一試呢到嘅水準，相當有驚喜，今次就叫咗兩款唔同嘅丼飯。🔸松葉蟹蓋釀蟹肉丼呢一個真係充滿蟹肉，蟹肉非常之鮮甜，成個丼飯都充滿蟹肉嘅香味，仲要多到可以撈勻晒所有飯粒！絕對係稱得上高質！🔸十八夢特選雜錦魚生丼而呢一款18夢特選嘅雜錦魚生就更加出色，佢哋有好多款唔同嘅魚生，每一款都係好新鮮，佢係按照時令最新鮮嘅海鮮去設計丼飯每日嘅食材，就連賣相都好精緻！