Mee...lemongrass (Megabox) (Closed)

今晚同兩個同事一齊走咗去九龍灣megabox度食嘢咁見到呢一間餐廳好似都開咗冇耐咁，我哋就入咗去試下。 呢度我覺得坐得都幾舒服同埋呢度都有一啲特色嘅飲品叫下 ，咁我就梗係叫咗佢個招牌菜：波士頓龍蝦喇沙： 呢個就係佢個招牌菜龍蝦喇沙，其實都唔使講乜嘢呢，咁優惠嘅價錢食到成隻龍蝦 ，我覺得已經值回票價，同埋我建議隻龍蝦佢一上碟時，大家一定要快啲食 ，因為襯住啲肉仲鮮嫩嘅時候就一定要拿拿聲食，同埋個龍蝦都幾鮮甜。 而且個喇沙嗰個湯底濃味和好好飲， 而且佢唔算太辣有一種香味 ，所以到呢一間店我覺得呢一個龍蝦喇沙係必點。招牌無骨海南雞飯: 呢個海南雞其實我自己覺得佢個雞都幾嫩滑，食到雞肉嘅鮮味， 同埋都去曬骨畀我哋食 ，大家記住食埋啲雞皮我覺得咁樣先至叫做食海南雞， 同埋最重要就係要點下啲醬，我自己個人認為点醬就好味D， 大家不妨試下。MEE 喇沙 有大蝦蜆肉蟹柳魚蛋豆卜雞蛋同魷魚： 其實呢一個喇沙喺我朋友叫嘅，咁我試咗少少，其實同我嘅龍蝦都差唔多，湯底亦都一樣咁好味，如果有啲人唔食得龍蝦嘅話可以試下叫呢一個喇沙。 因為材料嘅都算幾多就好似食車仔麵有好多餸菜咁樣。 呢個喇沙最大嘅賣點我覺得就係多