了不起 (Closed)

講起台式飲品，自己都飲過唔少，好飲既又有，難飲既又飲過，有啲好好飲，但係啲冰多到嘜咁勁搵笨，有啲就成杯都係糖水嚟，自從係西環飲完了不起既黑糖珍珠鮮奶之後，一直念念不忘，可惜位置此終太遠。依家係油麻地開左佢既分店喇 😍 所以即刻去幫襯下，餐牌選擇唔係話好多，大約得二十款飲品，不過勝在價錢真係相當平，唔似出面有啲飲品離譜到三十幾蚊得個細細杯飲幾啖就冇晒，最後叫咗之前飲過好好飲嘅黑糖珍珠鮮。黑糖珍珠鮮奶 ($28) : 影完相即刻飲 😍 奶味夠厚身夠濃郁，而且重有恰到好處嘅黑糖味 🤤 珍珠亦煙韌，重要三十蚊都唔洗，真心平靚正 👍🏻 下次試埋其他款式。