十二味 (LADDER Dundas) (Closed)

午餐黎食，發現呢度嘅嘢食唔算貴，一個普通嘅午餐，大約60幾蚊，而且午餐免+1 ，我自己食咗個酸菜肥牛肉麵，份量比我想像中大，一碗應該可以夠兩個人食，再加埋其他前菜，例如酸辣木耳，就非常惹味。佢嘅麵條🍝非常粗，亦都好有口感，配埋一個非常濃烈的酸菜湯，成碗面就好開胃，而且肥牛份量亦都好多，可以邊食麵邊食肥牛，絕對唔驚唔夠肥牛食，好好。飲品方面我叫咗個蜜瓜牛奶，雖然佢嘅蜜瓜唔係鮮榨，但作為一個夏天飲品，絕對非常解渴同埋透心涼。之後我再叫咗個甜品，紅糖糍粑，糍粑軟綿綿，而且一大堆紅糖在表面，好甜好好食。最後我在叫咗個桂花冰釀，亦都係我食川菜嘅新嘗試，起初我仲以為係好濃烈嘅白酒，但原來係非常清新嘅桂花味要配上香甜米酒，只有甜味，沒有酒味，令我飲得好𣈱快。