遖

Open Now

Now Closed

今日嘅lunch book咗位於尖沙咀嘅遖，食得omakase有時就係唔想諗，等廚師可以攞嗰日最靚嘅同最新鮮嘅魚俾我哋食！喺講嘢食之前，想先講一講個環境，喺行入餐廳嘅時候已經發現佢嘅裝修落咗唔少心思，而且採光十足，俾人一種好舒服嘅感覺。坐低之後，我哋分別都點咗壽司十二貫，前菜方面蝦湯茶碗蒸好滑，而個魚乾都唔錯，加埋個蒸煮八爪魚真係一個好開始👍🏻之後就開始主菜，壽司十二貫！聽師傅講，每一日嘅十二貫都會有唔同，按食材新鮮度而定。真鯛配鯛魚內臟厚切深海池魚 配Wasabi火灸金目鯛赤背配紫蘇花池魚仔充滿麻油香火槍燒過嘅吞拿魚赤海膽白子九繪魚銀魚配白松露醬壽司總括嚟講睇得出師傅好有心機去做，每一件壽司上面師傅都會諗一諗點樣令壽司嘅鮮味更加出， 從而去刺激我哋嘅味覺！其實食完壽司已經有八成飽，加埋個日本花菇、海綿蛋糕就啱啱好！甜品嘅霖酒提子雪糕可以話係一個完美嘅句號！