蘇媽.蘇媽馬來西亞茶餐室 (Closed)

🏠蘇媽.蘇媽馬來西亞茶餐室 Kedai Kopi Semua Semua 海南鴛鴦燒麵包 ＄45 麵包燒得超級香脆，係脆得嚟唔會介喉嚨果隻脆😍加上一大片牛油同咖央醬，牛油雪到冰冰凍凍咁，咖央醬充滿椰香味，而燒麵包就燒到咁熱辣辣，完美嘅配搭！肉骨茶 (豬腳彎) $58 蘇媽嘅肉骨茶係無限添飲，只要你有order任何肉骨茶嘅item，店員就會幫你倒上一碗 熱辣辣嘅肉骨茶，仲會同你講有需要可以添飲👍🏻 肉骨茶嘅藥材味同埋甘味係好濃厚，雖然我唔係big fans，但同行嘅朋友麵話好正宗好好飲🤣 而豬腳彎嘅肉就比較老比較靭，淨係飲湯算🤣🤣 油炸鬼 $21 油炸鬼係叫嚟配肉骨茶嘅， 將油炸鬼浸落肉骨茶，再食一啖，就會食到肉骨茶係口中爆發嘅感覺🤣如果唔想配油炸鬼，都可以選擇配白飯，價錢相同。 雞扒高佬麵 $79 呢個高佬麵令我覺得好驚喜，呢個麵入面有魚乾仔，花生，溫泉蛋，青瓜，雞扒，當然仲有高佬麵啦🤣 一開始決定叫呢個麵係因為好想試吓咩叫高佬麵， 我估就係醬油撈公仔麵？歡迎指教。 呢個公仔麵睇落好深色以為好鹹，但係其實佢嘅味道唔算好濃，只有淡淡嘅甜豉油味。 令我驚喜係個塊雞扒， 係燒得超級嫩滑！！