Cossi (Closed)

嗚，估唔到荃灣有間咁高質嘅隱世西餐廳，我行咁耐都係第一次遇到，係第一次食到咁高水準嘅西餐，入到去餐廳真係充滿西或餐廳嘅味道，令人好舒服嘅感覺，連侍應都非常有禮貌呀，急不及待就叫野食，首先叫左個白酒煮蜆，個白酒味都幾勁呀，啲蜆又 juicy，🤘🏿🤘🏿爆汁好正，最後湯都飲埋，之後黎左前菜小食，好似係龍蝦沙律多士😂😂，個味就係好好味，多士又脆！然後叫左芝士焗蠔，整得好入味，芝士沙律調味滿分，蠔又新鮮，冇得輸！🤪🤪主菜要黎了，叫左美肩扒，估唔到價錢雖然一百幾蚊，但係個肉質好好食，又冇筋，又有肉汁，好水準，燒得好靚，另外一個主菜，我叫左煎挪威三文魚，煎得好靚，另外有塊蟹肉忌廉餅，好好味，主要佢底下個粟米汁好正🤪🤪，第一次食咁嘅配搭，同三文魚好夾！😍😍