蘭香茶餐廳 (Moved) New Location

是日收早，趕得及同我位靚姨tea下；最近嘉樂冰室下年結業既消息一傳出，每日經過都不下十幾人排隊，誇張到排到過對面街。或者我細食同懶啦始終覺得大大份一野塞到你飽，又大排長龍，又要逼埋同唔識既人坐埋一個細細卡位既粗勞事唔岩我。我覺得食物要享受既，同朋友食野要舒適傾到計。而我位靚姨又想懷舊下，我推薦左去格離—蘭香茶餐廳。佢地既常餐簡直係「賣飛佛」份量適中，奶油厚多士夠金黃又夠脆；雙蛋火腿蛋邊夠香、蛋黃要黎點厚多士食，超正！；叉燒燴意，個汁好好味，又有粟米青豆粒，色彩好繽紛，勾起童年回憶。配埋苤芽好立克，完美！