Video
Read full review
2023-10-13
267 views
利申：之前八月嘅時候到訪，當時仲係新開門，要排好耐隊。最近心心念念想再食，上 OpenRice 睇睇嘅時候發現有好多差評，所以想寫過食評幫佢平反 💛首先我唔明點解好多評論會話味噌湯底鹹。味噌從來都係重味嘅食物，既然嗌得味噌湯底就應該預咗係偏濃味(?) 我自己食嘅時候反而覺得佢個味噌湯並非死鹹，而係好濃郁好好食，下面會有詳細小小嘅食評。排咗好耐隊，落單嘅時候店員都提我要等20分鐘，問我要唔要加啲小食，所以加咗佢個《特製沙律》🥗。沙律菜夠新鮮爽脆，炸雞都好脆口，微暖而且非常Juice。$48 有六件炸雞又有沙律，性價比極高 👍🏻💰💰《山本屋特製沙律》$48 ⭐️：4.5/5——————————————————再等多10分鐘左右就上烏冬。上枱嘅時候滾到起晒泡，香味跟住啲煙撲入鼻，已經好有食慾。一飲個味增湯底好正👍🏻好厚身，想像下你好似飲好厚嘅花膠湯一樣。😍🤩味道正如我上面所講，佢並非死鹹而且你飲得出佢味噌嘅層次。加上個烏冬非常有咬口，亦都吸左湯嘅味道。如果好似啲人咁講，個湯底要淡啲嘅話，成碗烏冬食落去嘅效果就會差咗好多。食到咁上下，有店員行過嚟問我要唔要免費加飯🍚不過本身唔太鐘意食泡飯，加上食
首先我唔明點解好多評論會話味噌湯底鹹。味噌從來都係重味嘅食物，既然嗌得味噌湯底就應該預咗係偏濃味(?) 我自己食嘅時候反而覺得佢個味噌湯並非死鹹，而係好濃郁好好食，下面會有詳細小小嘅食評。
排咗好耐隊，落單嘅時候店員都提我要等20分鐘，問我要唔要加啲小食，所以加咗佢個《特製沙律》🥗。沙律菜夠新鮮爽脆，炸雞都好脆口，微暖而且非常Juice。$48 有六件炸雞又有沙律，性價比極高 👍🏻💰💰
4 views
1 likes
0 comments
《山本屋特製沙律》$48
⭐️：4.5/5
——————————————————
再等多10分鐘左右就上烏冬。上枱嘅時候滾到起晒泡，香味跟住啲煙撲入鼻，已經好有食慾。一飲個味增湯底好正👍🏻好厚身，想像下你好似飲好厚嘅花膠湯一樣。😍🤩
味道正如我上面所講，佢並非死鹹而且你飲得出佢味噌嘅層次。加上個烏冬非常有咬口，亦都吸左湯嘅味道。如果好似啲人咁講，個湯底要淡啲嘅話，成碗烏冬食落去嘅效果就會差咗好多。
食到咁上下，有店員行過嚟問我要唔要免費加飯🍚不過本身唔太鐘意食泡飯，加上食咗個沙律，而且其實個烏冬份量都幾足，所以我自己就冇加到。可能男士食得落，加埋的話會更滿足。
我自己對於鹽同味精係好有反應，好多時食完米線都會好頸渴要飲好多水。但係食完呢碗烏冬之後我去行街，都唔覺得有特別口渴口乾嘅狀況，我相信佢真係真材實料用味噌去熬個味道出嚟，而並非用味精。
味噌烏冬
7 views
0 likes
0 comments
《味噌牛肉煮烏冬》$108
⭐️：4/5
——————————————————
總括而言，我自己食完之後係好滿足，覺得自己真係食咗碗高質素嘅日本烏冬。個幾月之後嘅今日，突然之間想起又再想食，而暫時我諗唔到除咗山本屋之外仲有邊間烏冬或者拉麵店做到呢個咁獨特嘅口味同效果。好快我又會再去排隊食過😋
Post
