喜客比薩 (Closed)

pizza唔係我好鐘意食既野，平時食pizza hut覺得好「漏」，得d芝士味。前排同朋友食晚飯，就揀左呢間試下。佢有二人餐供選擇，但唔太肚餓，所以選擇散叫。叫左個厚批至尊9"pizza同茄汁海鮮意粉。pizza十分唔錯，芝士味剛好，唔會覺得好「漏」，其他配料新鮮，食厚批最怕pizza邊焗得太硬太燶，但佢焗得啱啱好。茄汁海鮮意粉都唔錯，茄汁意粉度度都有得食，好普通，但好多一係太酸，一係茄汁多到好似燴意粉咁。呢度既茄汁海鮮意粉，材料同味道都唔錯，不過食慣濃味野既人可能會覺得呢個意粉會淡左d！