溏苑 (Closed)

Item: Tong Yuen Food & Dessert
Rating: 4
Author: yswai90

Tong Yuen Food & Dessert

3.5

191 Reviews

Taste

Decor

Service

Hygiene

Value

800

Mong Kok

Below $50

Hong Kong Style Dessert

117

yswai90

Level1

今日和朋友相約係旺角食飯，食完飯有d唔夠喉，朋友話之前去過溏苑覺得幾好，所以想帶我去呢度試下喇! 因為得2個人，所以等左十分鐘度就有位喇!睇左個menu有好多未試過既甜品，款款都好似好吸引。不過朋友話佢黎咗好多次，見到d menu好似都冇乜轉變。不過反正我喺第一次黎，有好多野我都想試下！由於我鐘情於朱古力，見到張相又幾吸引，所以叫左classic心太軟，而朋友就叫左個薑味梳乎利! 等左一陣我既心太軟就黎喇! 第一眼望落去個擺盤好靚，但係我都忍唔住要開始食喇! 一叉落去個下，見到d朱古力醬好似唔喺好流，總之同之前食過果d好唔同。我仲心唸點解會咁樣……不過排除呢一點，d朱古力味都算好香，食落有好濃朱古力味但又唔會太甜，旁邊仲有小小士多啤梨，配埋個雲呢拿雪糕，一個人都可以食得哂，正!!!! 頭先落單果陣，店員都同我地講佐由於薑味梳乎利要焗一陣，所以可能要等耐少少。我同朋友反正都唔趕時間，所以就由得佢慢慢焗啦，我地仲可以多d時間傾計tim! 薑味梳乎利黎個陣，除左個脹卜卜既梳乎利，仲有煉奶俾你加。一開始懷疑朋友叫個有薑味既梳乎利會唔會好冒險，但見佢食到津津有味咁，忍唔住食左幾啖。加左d煉奶落

Read full review

頭先落單果陣，店員都同我地講佐由於薑味梳乎利要焗一陣，所以可能要等耐少少。我同朋友反正都唔趕時間，所以就由得佢慢慢焗啦，我地仲可以多d時間傾計tim! 薑味梳乎利黎個陣，除左個脹卜卜既梳乎利，仲有煉奶俾你加。一開始懷疑朋友叫個有薑味既梳乎利會唔會好冒險，但見佢食到津津有味咁，忍唔住食左幾啖。加左d煉奶落去，薑味仲係好突出，兩樣埋加埋一齊估唔到咁夾，從來都無諗過薑味既梳乎里原來都可以咁好食。

由於叫咗兩個味道比較重ge甜品，我地都覺得有少少膩，所以就算其實已經好飽，都想叫一個味道輕d平衡一下。揀黎揀去，覺得呢個桂花荔枝雪糕號。我覺得前面果兩款甜品都整得好靚，呢一個反而賣相一般。不過唔理啦，試下先！果然有我地想要ge效果！仲有好多荔枝喺旁邊呢！其實我覺得d桂花味道好清，唔會太甜，好啱喺食完甜膩食物之後清下口。而茶凍口感都好Q，配合埋雲呢拿雪糕球凍凍地咁樣食好好味。但係我朋友就覺得無乜味。可能因為桂花本身唔喺味道好濃既關係。