Monsoon (Closed)

喺圓方行完街想搵嘢食，行行吓就經過Monsoon，睇吓嗰餐牌發覺係有一排冇食嘅東南亞美食，好似幾吸引，就坐低點餐。📌炭燒豬頸肉沙律小編特別喜歡有菜有肉冇芝士嘅沙律，這款正合我心意，特別係豬頸肉仲會比其他肉爽口，炭燒令香味更重更惹味。醬汁唔係一般沙律醬，小編食唔出係乜但感覺似東南亞嗰種味道，驚喜都係嚟自獨特，食得多一般嘅沙律味，這種獨特就更顯得難忘。📌印尼巴東烤鱈魚雖然菜名有印尼兩個字，但烤嘅做法好難唔同國家唔同烤法，不致都差唔多，最唔同可能係醬汁，這醬汁就係酸酸甜甜嗰種，唔係太特別。魚肉方面，肉質係鮮嫩，可以一片一片分開，烤嘅功夫亦到位，烤香味撲鼻，只係表面有啲燶黑，少少過火，但整體可以。