樓下冰室

Open Now

Now Closed

今日去到荃薈商場既樓下冰室，估唔到又幾有驚喜，會再黎幫襯！用餐正值晚飯時間，餐廳好多人，坐無虛席，雖然係茶記，但餐廳有裝修，座位都算闊落，唔洗同人地逼。員工上菜速度都好快手。值得一提既係餐牌選擇非常豐富，各式各樣嘅茶餐廳菜式幾乎都有，花多眼亂。一坐低先點左啲小食先，西多士好大塊，四邊少少脆口，好好食。試埋佢呢度出名既豉油皇雞脾，雞脾大大隻，非常之入味，值得推介。正餐食左吉列豬扒飯，唔會大多炸粉，豬扒好厚，食落口啖啖肉！最後試埋個芝士焗西蘭花，完全今日完美既一餐晚飯！仲有一個加分位係餐廳好細心，叫凍飲會用呢個銀杯，令到杯野飲keep住凍，值得加分！