Alize Noire de Nova (Closed)

因為要上堂，所以到附近食。去開飯啦搜尋邊間好食。無意中睇中尼度，加上食評好多好。所以決定選這間食午餐。我叫左餐，有沙律或湯選擇，我選左南瓜湯。這個湯很好飲，我很喜歡。口感不錯，唔似出面餐廳咁稀。之後黎左餐包隻碟好可愛。個包外面脆，內裡鬆軟。不過味道差dd，覺得算ok。之後黎波菜煙肉忌廉偏意粉。初時見到個碟咁大，d野食咁少會覺得唔夠食。但原來隻碟個底有深度。食食下就知1個人份量足夠。味道好好食，偏意粉口感岩岩好。熱度岩岩好。波菜同煙肉不錯。整體我覺得好好食同好飽。環境好靚服務不錯，同人傾計或約會可選果度。值得推薦。不過原本覺得咩都好好，只係埋單時等左15分鐘都未埋到單，係餐桌呆坐等比錢。初時以為侍應好忙，但又見其他人埋左單而得我仲未有得埋單，開始懷疑係唔係漏左我...最後攪到我差d遲到。