Lucky U

Open Now

Now Closed

今日黎呢間試下、之前諗住係一般酒吧、但一入去見到有飛鏢、卓球、仲有beer pong 枱，空間幾大！我哋一行四人叫芝士薯條、都幾好食但係有D乾。之後叫了一個豬肋骨配薯條同沙律蔡份量都幾多、肋骨味道好好、夠Juicy配啤酒一流！煙三文魚pizza味道不錯但三文魚可以多啲個批可以厚啲會更加好食之後嚟咗咸豬手、味道不太差皮又幾脆但係燒得燶左啲。最後叫咗個美國安格斯肉眼扒、鍾意佢有好多配菜蘆筍、草菇、番茄同薯仔、幾好味。準括嚟講呢度環境都幾好、嘢食唔錯有賣相、性價比都OK、只係地點比較偏遠荃灣市中心。一班人黎都好適合又有好多野玩！