春庭越調 (Closed)

今日去佐試依間係灣仔既越南嘢，去到好full啊，都等佐一陣先入到去，所以如果要黎記得要打電話book枱啊。我同d fd 四個人食set lunch, 有兩個前菜同一個主食，咁我地就叫佐幾個前菜一齊share，有幾款沙律、春卷同雞翼。雖然係前菜，但沙律份量都俾我想像中大、木瓜沙律都好新鮮，調味唔會太酸，幾開胃。春卷就一般，唔夠熱但係皮都算脆。到主食，有雞同牛Pho選擇，我地四個不約而同揀佐牛，塊半生熟牛掛住係個碗到幾搞笑，食落去好juice同好重牛味，得一塊真係唔夠喉。湯底有好重香料味，飲得出係熬佐好耐既湯。D粉無乜乜特別都算彈牙既。最值得一讚係個嘢飲（唔洗加錢），有斑蘭茶同越南咖啡揀，我飲佐個茶，味道好香，仲有成壺熱水俾你慢慢沖d茶葉，一個人都飲都四五杯。總結雖然價錢唔算平，不過一個set有三款嘢食加埋嘢飲，都算唔錯，環境同店員服務質素都好好✌🏻✌🏻會再幫襯！