AGE Cuisine Express (Moved) New Location

好好氣氛，燈光略暗感覺好放鬆。服務員態度超好仲介紹有咩好食，點整等等。次次去多國/西餐廳都發現叫set係抵食好多。呢間都唔例外，加$48，所有意粉/飯都可以upgrade做set。好驚喜，竟然送呢個包，入面有果醬餡架，好正。包又香又軟，果然叫set係好抵。加好似10幾蚊轉黑松露湯，成日去西餐廳都會叫黑松露湯，呢間係食過最好味既，非常推介。叫左推介之一既蟹肉扁意粉配蟹膏。果然同店員講既啖啖濃郁蟹肉蟹膏味一樣~ 份量好多，一個大男人食用份量哈哈哈。建議叫呢個比較熱門既朱古力核桃蛋糕，好味過奶凍好多。超正！都幾大支appletiser ，食完野飲有汽飲品好舒服。