蜀府川鍋 (Closed)

一間位於唔顯眼嘅工廠區, 居然會有一間咁正宗嘅烤魚及雞煲！大大盤嘅烤魚非常有風味有麻辣及酸菜! 見每枱都食烤魚及雞煲! 應該係必點選擇！魚嘅種類方面, 侍應姐姐推介酸菜魚選擇桂花魚, 麻辣就選擇龍躉沙巴或魽魚！所以我哋選擇咗麻辣烤魚鉗魚! 呢款係淡水魚, 有少少泥味, 不過好肉厚又大條！價錢亦係最便宜的！賣相非常吸引令人垂涎, 加熱後, 香氣四溢! 散發著麻辣嘅香氣！ 魚肉好新鮮, 越吃越過癮！娃娃菜, 薯粉及金菇吸收了湯嘅精華.....嘩！令人食指大動！ 聽侍應講各款香料由四川直送, 加埋師傅正宗手藝唔使返大陸都可以食到正宗川味！ 至於雞煲, 可以選擇辣嘅程度! 我哋選咗小辣, 雞煲份量好足夠, 雞肉好嫩滑! 加上薑蔥及洋蔥等！ 特別之處係加上咗黃金豆！脆脆地的口感好配合！麻辣味道適中！如果加多少少麻就更加好！ 食完烤魚及雞煲可以轉做火鍋啦⋯⋯我哋叫咗鴨血, 娃娃菜, 響鈴, 安格斯, 黑色牛柏葉.....仲有我最愛嘅美國捅蠔！ 所有火鍋料都好新鮮, 尤其是捅蠔粒粒都好大隻! 我哋已經約好咗下星期再嚟打邊爐！