茶色生香 (寶峰園)

Open Now

Now Closed

今日黎太古呢邊處理啲嘢，搞掂完之後覺得口渴，想買返杯手搖，落到樓下行多幾步就見到呢間茶色生香，飲品選擇都幾豐富又企理，於是同朋友一齊買來飲下。我哋總共嗌左三杯嘢飲，互相share。首先係芝士金鳳$38飲手搖點可以冇芝士奶蓋茶，呢個芝士奶蓋絕對有驚喜，口感稠密，奶蓋好濃厚，唔會好似出面好多茶飲店咁整到好稀，而且芝士味好香，不過就偏鹹咗少少，但我本身都比較鍾意鹹嘅芝士多啲，茶底都幾香唔錯，整體都值得推薦。之後嗌左兩杯水果茶，百香果四季春$38同埋霸氣水果茶$40，嗌咗走甜，仍然有水果嘅天然甜味，對我來講就啱啱好。水果茶都係用新鮮嘅水果，份量好多，霸氣水果茶仲要有六款水果，蘋果、橙、菠蘿、百香果、提子，所以出到嚟好好飲。