麺屋·隠 (Closed)

元朗隱世小店之一，門口比較細，不過地點唔難搵，裝修亦乾淨整潔，枱上擺滿公仔與裝飾品，燈光暗暗地，播緊日文歌，職員都有禮貌同動作快捷，整體幾有日本氣氛。當日2點左右去到，得2位客人，所以都算幾安靜。當日點左白隱拉麵$78 + 迷你豬軟骨飯$28，拉麵有得揀湯濃度同麵條軟硬度。豬軟骨飯入味多汁，非常滿意。拉麵選左正常湯底，不過都少少鹹，下次會試下叫淡湯。總體黎講呢個價錢食到都幾滿意，以後有機去元朗會再試。