Kachimushi

Open Now

Now Closed

長時間留喺屋企抗疫，今日終於忍唔住同朋友去咗呢間位於元朗錦田非常偏僻嘅靚靚Cafe唞吓氣。喺錦田郵政局落行過對面馬路就見到，不過路痴嘅我仍然都係左行右行搵咗一陣路😅餐廳外觀純白色為主，俾人感覺簡潔舒服，入到去裏面裝修係較為日式簡約風，最盡頭有一個小花園，俾人感覺都好清幽。睇一睇個菜單先～我同朋友叫咗黑松露蟹肉沾醬配吐司、牛肉吐司、無花果班戟、Dirty同馬騮搣鐵觀音。餐廳上菜嘅次序都好似有啲心思，首先上嘅係嘢飲俾你潤一潤喉。跟住就去到類似前菜嘅黑松露蟹肉吐司，法包烘到熱熱地，黑松露味幾出，蟹肉比得都幾大方，好好味！！跟住就嚟到較似主菜嘅牛肉吐司，牛肉配芝士再配焦糖洋蔥同火箭菜，四樣嘢都好合拍，牛肉軟淋唔韌，好味！最後，就係甜品無花果班戟，外熱中冷，冰火交融，同樣好味😋下次有機會應該會試另一種口味。