Video
Read full review
2021-06-12
348 views
今日放工喺尖沙咀然後我個friend突然叫我出嚟食飯吹水，結果佢建議在依間泰國嘢，位置唔錯喺太子集團中心好方便，而且環境亦都好舒適，望到晒成個尖沙咀繁華鬧市，而且環境舒適，啱啱好對住吧枱🤪由於啱啱做完gym 所以叫咗好多嘢食。泰國芒果沙律（$78）辣辣地嘅沙律真係第一次食，佢嗰啲我諗係芒果乾嚟，配合微微辣成個感覺好清新，好泰國🇹🇭蒜蓉炒貴妃苗（$75）東南亞食物普遍比較重味道所以當然要叫個菜清新一下啦，貴妃苗味道多年感覺清新，再配合埋少少炒蒜蓉簡直係畫龍點睛。麵包焗咖喱軟殼蟹（$208）今晚嘅重點係依個咖喱軟殼蟹上面，軟殼蟹口感一流不在話下，而且配合啲咖喱汁簡直味道👍🏻啲咖喱汁本身味道甜甜地仲有啲椰香味，再加埋本身嘅秘製咖喱香料，撈埋落啲麵包同埋印度薄餅上面簡直停唔到口😛印度薄餅（$32）泰國街邊豬肉串（$68）聽個名就知道好有風味，食落去果然香口，好有我以前喺泰國街邊食過嘅串燒味道，再加埋佢嘅秘製泰式酸辣醬入面仲有少少香草喺度令到成個感覺冇咁膩。👍🏻薄荷梳打（$38）&蔓越莓汁（$38）最後叫咗兩杯嘢飲薄荷梳打無糖感覺好清新而且薄荷葉亦都很新鮮成個飲品感覺好refreshing，cr
今日放工喺尖沙咀然後我個friend突然叫我出嚟食飯吹水，結果佢建議在依間泰國嘢，位置唔錯喺太子集團中心好方便，而且環境亦都好舒適，望到晒成個尖沙咀繁華鬧市，而且環境舒適，啱啱好對住吧枱🤪
由於啱啱做完gym 所以叫咗好多嘢食。
泰國芒果沙律（$78）
辣辣地嘅沙律真係第一次食，佢嗰啲我諗係芒果乾嚟，配合微微辣成個感覺好清新，好泰國🇹🇭
蒜蓉炒貴妃苗（$75）
東南亞食物普遍比較重味道所以當然要叫個菜清新一下啦，貴妃苗味道多年感覺清新，再配合埋少少炒蒜蓉簡直係畫龍點睛。
麵包焗咖喱軟殼蟹（$208）
今晚嘅重點係依個咖喱軟殼蟹上面，軟殼蟹口感一流不在話下，而且配合啲咖喱汁簡直味道👍🏻啲咖喱汁本身味道甜甜地仲有啲椰香味，再加埋本身嘅秘製咖喱香料，撈埋落啲麵包同埋印度薄餅上面簡直停唔到口😛
印度薄餅（$32）
泰國街邊豬肉串（$68）
聽個名就知道好有風味，食落去果然香口，好有我以前喺泰國街邊食過嘅串燒味道，再加埋佢嘅秘製泰式酸辣醬入面仲有少少香草喺度令到成個感覺冇咁膩。👍🏻
薄荷梳打（$38）&蔓越莓汁（$38）
最後叫咗兩杯嘢飲薄荷梳打無糖感覺好清新而且薄荷葉亦都很新鮮成個飲品感覺好refreshing，cranberry 亦都用新鮮果汁🍹所以唔會太甜亦都好好飲。
而依個位置咁方便嚟計其實個價錢亦都唔算貴而且個環境亦都好舒適非常適合喺度打躉。
Post
