鼎王麻辣鍋 (金巴利道) (Closed)

已經第N次回訪，每隔一個月就要回來食佢嘅麻辣鴨血，佢嘅鴨血可以話係全香港最好食，沒有之一。鴨血夠彈牙，味道濃郁略帶咸味，再配合麻辣湯底的確係一絕（而且仲係無限添食，每隔一陣職員就會主動過來幫你加添鴨血豆腐同湯）。每次牛小排🐮同蝦滑🦐都係必叫，因為堅好食。另外今次仲叫左白魚片同響鈴，不過兩樣都只係一般唔叫冇損失。整體用餐體驗十分滿意，服務周到，食物質素有保證，環境舒適。唯獨一分錢一分貨，佢嘅價錢都幾貴，建議選擇非繁忙時段經openrice book枱最平有55折‼️條件係每位最低消費$200 （未計加一），其實叫少少野都夠了。最後有個小貼士：湯底係可以打包，佢會幫你refill 鴨血同豆腐，拎到番屋企其實係一個完整嘅麻辣鴨血鍋，名副其實又食又拎😳😳😳❇️上選牛小排 $338牛味濃，油脂豐富口感佳，必食推介。❇️手工蝦滑（台灣直送）$98蝦肉爽彈，味道鮮甜，啖啖蝦肉好滿足。❇️嚴選花鰱白魚片 $68魚味唔算突出，不過就夠晒爽彈，同雲吞鋪嘅魚片分別不大。❇️黃金豆鈴捲（6條）$78中心炸得唔係好夠脆，味道上就係普通嘅響鈴，同等價錢會推薦試佢個豆皮多啲。❇️低糖蜂蜜茉莉茶/ 勺 $58啲個每次都必叫，有茉