Casa Di Luna (Closed)

搵食喺銅鑼灣真係好方便，網上見到呢個餐廳好特別，好似上咗月球咁。龍蝦湯味道濃厚，重龍蝦味，質地好creamy ,裏面仲有龍蝦肉，鮮甜美味🤩煎鴨肝配青蘋果黑醋汁特別喜愛鴨肝入口即溶嘅質感，獨特嘅香濃味道，一定要細嚼感受，旁邊有青蘋果黑醋醬汁酸酸甜甜，加埋切片脆口法包，令菜式香而不膩😍炸軟殼蟹白松露意粉炸軟殼蟹有三件，份量都算足，白松露味道芳香味道比起黑松露更為濃烈，配搭味道清淡嘅意粉係絕配,突出白松露自身嘅原味道👍👍另外加咗好多啡蘑菇，有咬口之餘可以加添菜式嘅味道同埋層次感👍輕輕加上香草調味，已經係非常完美之作😋😋慢煮豬鞍配蜜桃汁豬鞍用慢煮嘅方式，保留新鮮嘅豬肉味，其次可以做出肉質鬆軟、嫩滑彈牙嘅口感，邊位有一層脂肪，令菜式增添了一陣油脂香味，底層配上薯菜，有蘆筍、胡蘿蔔同埋薯蓉 ，🥳Casa di Luna Tiramisu 呢個甜品賣相滿分，成個月球咁,打卡一流。芝士味比一般意大利芝士蛋糕香濃幼滑，口感比較creamy ,好似流心芝士一樣，食落咖啡味亦比較重，但恰當好處。