Video
Read full review
2022-12-05
16 views
銅鑼灣出咗名多野，朋友就揀咗間以月球為題嘅cafe，一抬頭就係月亮燈🌕充滿格調嘅粉紅色霓虹燈，都幾好feel蕃茄流心蟹肉盒嗌嘅時候以為係多士盒入面放蕃茄， 點知一上枱見到係原個番茄去皮上碟，原來個蕃茄先係個盒🍅 一切開，入面有混合咗類似芝士嘅蟹肉餡。比較淡味唔係好膩，配新鮮大大個蕃茄都幾清新! 最開心係隻流心蛋😘龍蝦湯翻凍就好想飲個龍蝦湯🦞同其他店舖相比冇咁稠，但竟然好濃味，都幾香蝦味👀 同埋唔知係咪因為餐廳好凍 我哋兩三下功夫就飲晒😂炸軟殼蟹白松露意粉痴線呢個真係好好食😂😂聽個名已經知道冇可能出錯， 超級濃烈嘅松露香味。個汁就係超重黑松露味嘅白汁，creamy又有好多菇菌，係你能夠想像嘅肥仔味道。軟殼蟹比得一啲都唔孤寒， 兩個人分都唔使打交，炸得好香脆。牛肝菌慕絲雞卷比較特別菜式，出面真係少見😗雞卷煮得幾嫩，感覺好似漫煮，嫩得嚟又唔會輸柴有肉汁嘅，同內裏嘅牛肝菌醬汁好夾。 雖然唔係好食到慕絲 但整體質感同埋味道都幾好Tiramisu呢個甜品一啲都唔馬虎 完全做到Tiramisu應該要有嘅輕盈 咖啡同酒味平衡得唔錯 最緊要啱香港人口味 學子華神嗰句: 呢個甜品好食 因為佢唔甜!
蕃茄流心蟹肉盒
嗌嘅時候以為係多士盒入面放蕃茄， 點知一上枱見到係原個番茄去皮上碟，原來個蕃茄先係個盒🍅 一切開，入面有混合咗類似芝士嘅蟹肉餡。比較淡味唔係好膩，配新鮮大大個蕃茄都幾清新! 最開心係隻流心蛋😘
龍蝦湯
翻凍就好想飲個龍蝦湯🦞同其他店舖相比冇咁稠，但竟然好濃味，都幾香蝦味👀 同埋唔知係咪因為餐廳好凍 我哋兩三下功夫就飲晒😂
炸軟殼蟹白松露意粉
痴線呢個真係好好食😂😂聽個名已經知道冇可能出錯， 超級濃烈嘅松露香味。個汁就係超重黑松露味嘅白汁，creamy又有好多菇菌，係你能夠想像嘅肥仔味道。
軟殼蟹比得一啲都唔孤寒， 兩個人分都唔使打交，炸得好香脆。
牛肝菌慕絲雞卷
比較特別菜式，出面真係少見😗
雞卷煮得幾嫩，感覺好似漫煮，嫩得嚟又唔會輸柴有肉汁嘅，同內裏嘅牛肝菌醬汁好夾。 雖然唔係好食到慕絲 但整體質感同埋味道都幾好
Tiramisu
呢個甜品一啲都唔馬虎 完全做到Tiramisu應該要有嘅輕盈 咖啡同酒味平衡得唔錯 最緊要啱香港人口味 學子華神嗰句: 呢個甜品好食 因為佢唔甜!
Post
