Video
Read full review
2021-05-31
1531 views
2021年5月26日 晴今日收工約左同事一齊食晚飯, 一直唔知去邊食, 我地幾個坐住同事A部車俾人賣豬仔咁, 完全唔知帶我地去邊。入到去布袋澳原來有兩間餐廳, 我地今次去海鮮島。 佢有兩層, 地下冇冷氣但可以坐係海邊, 上層有冷氣但佢關曬簾咩都睇唔到。一去到我地就揀左上層, 因為天氣太熱la。叫左個4人餐 $1580, 再加左幾樣小菜炒飯咁, 埋單好像都要2千6咁上下, 都幾貴下。不過食得出d 海鮮幾新鮮ge, 但就冇話特別好好食會wow 一聲咁。白灼蝦, 我最中意。簡單但食得出佢係好新鮮ge 蝦, 好食☺️芝士龍蝦伊面, 正常, 個汁都幾好食。豉椒炒蜆, d 肉都飽滿, 但有少少辣, 怕辣人士可能覺得會辣。椒鹽鮮魷, 粉漿唔厚, 魷魚肉質幾彈牙, 佢切到細細舊咁方便放入口都唔錯， 但佢就唔算厚肉， 唔係大魷魚☺️蒸魚, 我都唔記得係咩魚, 正常la, 都幾好。蒸飽魚, 呢個鮑魚夠大隻, 同淋得黎又夠咬口, 好食啊☺️ 佢有果皮開頭心諗會唔會好重味 (因為我唔食果皮） 但食落又冇, 呢個推介😚郊外油菜, 正常一碟菜。紫菜蟹籽炒飯, 呢個有驚喜幾特別。本身想叫海膽炒飯但冇曬, 叫左呢個試下,
今日收工約左同事一齊食晚飯, 一直唔知去邊食, 我地幾個坐住同事A部車俾人賣豬仔咁, 完全唔知帶我地去邊。
入到去布袋澳原來有兩間餐廳, 我地今次去海鮮島。 佢有兩層, 地下冇冷氣但可以坐係海邊, 上層有冷氣但佢關曬簾咩都睇唔到。
一去到我地就揀左上層, 因為天氣太熱la。叫左個4人餐 $1580, 再加左幾樣小菜炒飯咁, 埋單好像都要2千6咁上下, 都幾貴下。不過食得出d 海鮮幾新鮮ge, 但就冇話特別好好食會wow 一聲咁。
白灼蝦, 我最中意。簡單但食得出佢係好新鮮ge 蝦, 好食☺️
芝士龍蝦伊面, 正常, 個汁都幾好食。
豉椒炒蜆, d 肉都飽滿, 但有少少辣, 怕辣人士可能覺得會辣。
椒鹽鮮魷, 粉漿唔厚, 魷魚肉質幾彈牙, 佢切到細細舊咁方便放入口都唔錯， 但佢就唔算厚肉， 唔係大魷魚☺️
蒸魚, 我都唔記得係咩魚, 正常la, 都幾好。
蒸飽魚, 呢個鮑魚夠大隻, 同淋得黎又夠咬口, 好食啊☺️ 佢有果皮開頭心諗會唔會好重味 (因為我唔食果皮） 但食落又冇, 呢個推介😚
郊外油菜, 正常一碟菜。
紫菜蟹籽炒飯, 呢個有驚喜幾特別。本身想叫海膽炒飯但冇曬, 叫左呢個試下, 又幾得意。 佢有d 紫菜ininunun 咁，同蟹籽又幾夾, 幾得意, 可以再食😋
炒面, 唔中意食炒面的我冇食到， 不過同事話都幾好😅
仲有一盤橙, 個橙好甜, 好食
咁arm 呢晚係血紅月亮夜, 大家有冇去睇月亮呢😉
Post
