台灣麵 (Closed)

Lunch 又係時間醫肚，這間台灣麵午餐選擇頗多，環境闊落。午餐有湯麵飯套餐，小炒客飯套餐，仲有一個叫雙排雙格餐，一隻碗分了兩格，可以在A&B 選擇中自由配搭，適合有選擇困難症的朋友，價錢相宜。我點了九菜雲吞肉燥麵，可以免費轉新竹米粉，份量大碗，鐘意新竹米粉比較幼細。雲吞比較細隻，但皮薄，充滿九菜香。台灣的肉燥家家有不同做法，這裡的肉燥不會弄得太碎，會食到一絲絲的肉絲，亦不會太濃味。另外點了一碗雙排雙格套餐，蒜香雞翼肉燥麵配糖沁滷蛋豆腐肉燥飯，有飯有麵，份量大，男士實夠飽。台灣麵質粗身彈牙，雞翼外皮煎得香脆，發現肉燥配飯比配麵更好食。如果路過只想飲杯台式飲品，都可以外賣的，仲有買一送一優惠。新張期間仲全日免加一，抵。