Video
Read full review
2010-01-25
36 views
舊同事生日, 大家返半日, 就揀左中間點尖沙咀就落腳點, 本來想試K11個邊新開的Hyatt Regency Lunch Buffet, 但最終都係被4送1 sms優惠吸引左黎皇家太平洋酒店! 一入門口, 就係冷盤區:- 迎面而黎係幾款既海鮮冷盤: 蟶子, 蝦, 青口, 翡翠螺, 望落就幾吸引既! 朋友話夠哂新鮮, 翡翠螺係city super都幾貴, 難得呢度lunch都有得任食! 但如果有埋瀨尿蝦就好啦! ! 再轉過d就係salad bar: 淨係Salad dressing都有6款, 芝士都有4,5款, 仲有煙三文魚, 水牛芝士蕃茄等, 試左幾款, 都算幾滿意! 再過少少就係sushi bar, 我覺得今次算有驚喜, 佢既卷擺得好整齊, 顏色造型好sharp, 隔離仲有魚生飯tim! 至於刺身就冇攤哂出黎, 由師傅即場幫你切, 有三文魚, 吞拿魚, 仲有其他兩款魚, 食落又真係唔會”乾爭爭”! 唔止咁, 淨係壽司已經有8款, 三文魚, 吞拿魚, 蝦有2款, 北寄貝, 我驚太飽食唔到其他野, 所以只係揀左2款試下師傅既手勢, 用筷子可以原件夾起唔會散哂, 食落… 都唔會太稔,
一入門口, 就係冷盤區:
- 迎面而黎係幾款既海鮮冷盤: 蟶子, 蝦, 青口, 翡翠螺, 望落就幾吸引既! 朋友話夠哂新鮮, 翡翠螺係city super都幾貴, 難得呢度lunch都有得任食! 但如果有埋瀨尿蝦就好啦!
! 再轉過d就係salad bar: 淨係Salad dressing都有6款, 芝士都有4,5款, 仲有煙三文魚, 水牛芝士蕃茄等, 試左幾款, 都算幾滿意!
再過少少就係sushi bar, 我覺得今次算有驚喜, 佢既卷擺得好整齊, 顏色造型好sharp, 隔離仲有魚生飯tim! 至於刺身就冇攤哂出黎, 由師傅即場幫你切, 有三文魚, 吞拿魚, 仲有其他兩款魚, 食落又真係唔會”乾爭爭”! 唔止咁, 淨係壽司已經有8款, 三文魚, 吞拿魚, 蝦有2款, 北寄貝, 我驚太飽食唔到其他野, 所以只係揀左2款試下師傅既手勢, 用筷子可以原件夾起唔會散哂, 食落… 都唔會太稔, 飯粒都仲有o趙口, 唔錯唔錯~~
奮戰一輪之後, 正式開始食熱野暖下胃啦! 首先試就係酒店標榜既即製點心啦, 行埋去counter, 真係有個點心師傅用埋刀壓下壓下粉糰, 再包d餡, 三兩下手勢就包起件賣相不俗既蝦餃! 今日既點心都有好幾款: 水晶包, 蝦餃, 魚翅餃, 另加荷葉糯米飯! 好欣賞呢個點心counter, 點心係少量咁蒸, 起碼新鮮d, 唔洗怕同一籠點心由頭擺到尾, 點心唔會蒸到”霉”, 一夾就散! 眼見朋友咬開既蝦餃又真係幾足料喎! 水晶包唔會皮多過餡, 又唔會癡住哂對筷子, 幾好幾好~
熱盤都成十樣, 我呢個食肉獸只係挑左幾款肉黎試:
- 五香牛肋骨, 燒牛扒, 野菌雞扒, 花款幾多!
- 比目魚: 火候岩岩好, 夠哂滑丫!
其實食buffet最吸引我既莫過於甜品! 遠望以為得幾款, 近望先知另有乾坤!
- 大既蛋糕: 熱情果Mousse蛋糕 (酸酸甜甜好岩飽飽地既時候食), 栗子蛋糕, 士多啤梨Vanilla 撻 (呢個撻有好多大大粒既士多啤梨, 賣相好鬼靚), etc
- 另有細細既甜品: tiramisu , 雲喱拿panna cotta。 好似個個week望題係葡式, 所以仲有細細件好cutie既葡撻, 玉桂甜飯, 木槺布甸。 本來好抗拒玉桂既味道, 但一場黎都試左個玉桂甜飯, 其實都幾得意, 接受到架!
呢個buffet最抵之處, 我覺得係炒雪糕! 係City Super同埋Mega Box都有得食, 不過賣成$3x-$5x一杯, 之前一直都唔捨得試, 今次終於可以大開眼戒啦! 個度都有5款HD 雪糕, 我揀左strawberry同埋macadamia, 再加上棉花糖, `芒果粒, nuts, 乾果 (total好似有過廿款既配料), 正當我心大心細既時候, 個雪糕姐姐都好nice俾左d suggestion我 (可能佢見到我杯雪糕就快溶掛)! 炒完之後, 我可以自己再加d配料就裝飾, 幾得意呀, 左搭右搭, 好似自己親手做左一款獨一無二既雪糕咁, 靚哂! 食多兩轉都歸本丫!
係我等緊雪糕既時候, 朋友嗌左pancake食, 個哥哥仔知道佢係壽星女, 仲特登煎到好大塊, 又可能見我地係女仔會怕肥, 佢仲好體貼問朋友要落幾多cream tim!
總括而言, $188一位, 食物質素真係無庸置疑! 廚師又幾風趣幽默, 冇話黑口黑面俾面色你睇, 加上優惠, 埋單每位$155,1, 真係要返黎食多次!
Post
