銀座梅林 (Closed)

係我的印象中梅林牌豬仔只有牛餐肉, 孤陋寡聞的我更加唔知係銀座的百年吉列老店, 星期六的下午兩時多差不多三時, 應該已避開了最旺的時段, 只係等左一陣就有位因為見d食友話坐bar檯好大油煙, 我梗係唔會選擇啦, 食到成身油煙味就唔好啦, 睇下餐牌後我地兩人選擇左梅林豬扒三文治同吉列豬柳定食share , 有3種醬汁選擇, 包括梅林豬扒汁,柚子沙律汁同青芥辣沙律汁...因為睇食評話d吉列豬扒好肥, 咁我就寧願叫吉列豬柳定食($148)試下, 因為黑豚要加錢, 所以我只選擇了白豚肉, 等左10分鐘左右, 一碟有4件送上, 炸得剛剛好, 唔算好鞋同好腍, 雖然咬落去肉味不濃, 但有頗多肉汁而且頗鬆化, 亦夠香脆可口, 算係做得不錯, 定食仲跟漬物, 椰菜絲沙律, 麵豉湯同日本米飯, 白飯同椰菜絲仲可以添食, 而呢度的麵豉湯用上豬腩肉去淆, 因而帶有比較濃烈的豬肉味道, 幾特別!!另點了梅林豬扒三文治($68), 有4小件, 主麵包軟熟, 搽上青芥辣沙律汁, 酸酸辣辣的幾好味, 但吉列豬扒吸了醬汁, 始終大大破壞左豬扒的香脆程度, 要扣分, 回想起係日本食的吉列豬扒三文治, 只賣680日圓,