心裡有素 (Closed)

經過見到有素食buffet ,價錢幾抵,見好耐未食過就試下。呢間環境雖然唔係好大，但野食款式都唔算少， 一路食，有新野出店員都會問我地要唔要，都幾搞笑冷盤粉皮幾彈口，辣辣地加埋啲芫荽都幾香，胡麻冷麵麵質都係彈口果種。炸物就有南瓜，茄子，秋葵等等。除咗一般炒粉麵,仲有唔同款煲仔飯一碗碗咁送過黎， 今日試左呢個欖菜豆角豆腐粒飯都唔錯。碗仔翅好足料，有好多竹笙冬菇同埋木耳,個胡椒味都好勁。另外呢度嘅招牌菜有合桃做嘅咕嚕肉，仲加左士多啤梨同士多啤梨汁，食落幾特別。反沙芋都係另一個推介,芋頭夠粉，外面糖皮又夠鬆化。食飽黎個雪梨雪耳糖水，味道唔會太甜。焦糖燉蛋幾滑幾好食，燉蛋白就唔係好甜，整體黎講都幾抵食。