泰巧船粉 (Closed)

呢間泰國嘢一直都係做外賣生意，主要都係有小食、飯、湯/炒粉麵，價錢相宜，而且出餐速度都算快。夜晚都開到10點半左右先收舖，有時諗唔到要食咩都會去買碗粉食。冬蔭功海鮮湯金邊粉 $50本身已經自動幫你分咗湯，所以時間耐咗金邊粉會變成一餅，要少少時間浸返開。湯入面有生菜、菇、蟹柳、魷魚、蝦仁，味道酸酸地但唔算辣，但食落真係好開胃，最後都會忍唔住飲曬啲湯份量方面對於女仔嚟講應該會啱啱好，如果係男仔嘅話可能要加返個小食或者加底。店入面嘅叔叔姨姨態度都好好、好親切，出餐效率都快，所以晏晝/夜晚收工諗唔到食乜嘢嘅時候呢間都會係我嘅心水之一！