曜謨串燒居酒屋

Open Now

Now Closed

中秋節🌕就快到，大家想好同朋友去邊玩未呢? 堅尼地城海濱長廊最近就掛起大量的傳統燈籠，配上維港迷人景色同日落，絕對值得同朋友/屋企/情侶來感受下氣氛~ 今次我地去完打卡後仲發現到間隱世日式街坊居酒屋食Yakitori，一齊同大家試下啦~居酒屋係木式簡單的裝潢好似日本feel，特別鐘意老闆個種同每個客人都好熟悉，一同把酒言歡的親切感😉燒鳥Yakitori👉🏻雞後脾肉串 ($24)採用醬燒的方式，肉質比一般雞脾肉更肥更嫩口，第一啖就充滿油脂感超級邪惡👉🏻雞翼串 ($36)鹽燒雞翼串，黃金香脆的雞皮下包裹住入味的雞肉，雖然係最簡單的鹽燒但卻係最好味的👉🏻豬肉棒 ($38)豬肉質地鬆軟得來帶雞軟骨脆脆的口感，配合拌日本圓潤飽滿的生雞蛋及燒汁一齊食，更增添入口的香滑口感的同事，又提升肉的鮮味，簡直就係滿口留香、回味無窮👉🏻香蔥牛柳 ($58)牛柳燒得啱啱好大約5成熟，啖啖都仲帶肉汁👉🏻八爪魚燒餅 ($28)章魚燒及大阪燒的混合體，裡面的餡料半生熟爆曬漿及鮮味👉🏻清酒煮沙白 ($68)<必試推薦>清酒味非常濃郁帶走沙白的「聲」及引出鮮甜味，重點係粒粒大大隻飽滿肥美的沙白，真係食到停