麵家山下 (Moved) New Location

幫襯了數年現在才寫食評，最初都是抱住去睇吓日本老闆娘的心態，久而久之每隔1~2個月因公幹順路都會去，都是中午時份，由門市的幾個座位擴展到楼上約20多個座位，都是客似雲來，見到老闆娘咩住個女在背後，而在楼面一腳踢，到個女在鋪面走來走去，到依家好少見佢個女，可能去左返學，只係見到隻貴婦小狗，斬吓眼巳是數年時間，需然辛苦，但總算捱出頭來，見到的是家庭式的樂趣。講返正題，經常到的吸引力主要是碗拉麵能夠保持水準，由最初的清湯底到現在有醬油，蔴醬，黑蒜湯底等，温泉蛋有睇頭，最靚是薄切叉燒，拉麵幼滑彈牙，整體都在水平之上，吳知點解每次都5~10分鐘好快就食完，令人回味，唯有下次再來食過啦！