餓底

Open Now

Now Closed

呢區有新餐廳，而且個招牌設計又比較特別同新穎，梗係要去試吓啦。呢度嘅白飯係任裝嘅，唔夠可以免費添加。價錢同出面新式茶餐廳差唔多，但佢哋個碟頭比出面嘅大，所以價錢甚至覺得更加值得。味道同出面新式茶餐廳差唔多，絕對唔會係難食或者有伏，當然都有少少改進空間。如果撞正收工前去食，老板都唔會想浪費啲食物，佢哋會攞剩餘啲湯出嚟問啲客想唔想添，咁樣都幾好，唔好浪費啲食物。所以喺呢區嚟講，算係好好，呢啲香港人自己鍾意食嘅味道，俾當區居民多一個選擇。你話佢係咪食嗰啲小食嘅茶餐廳就未係嘅，其實都係以半茶餐廳半小菜呢種模式咁啦，即係你唔好expect有菠蘿包啊呢啲，但係都已經有足夠嘅選擇，尤其是俾當地居民、學生、上班人士等醫肚。招牌設計新穎，笑哈哈個樣夠樣衰，入邊嘅裝修乾淨（呢個好重要）。仲有一啲唔同嘅字樣嘅設計，有香港味道之餘又夠潮。旅客如果識路，可以唔需要淨係食赤柱廣場嗰啲。美中不足係有條樓梯仔先上到去餐廳，對老人家嚟講可能唔係咁方便。當然佢地都提供外賣啦，試過都唔差。