Video
Read full review
2024-05-05
50 views
難得又嚟到天水圍，就去返之前試過好正嘅居酒屋，見佢原來仲有任食火鍋放題，就一於試吓。五花腩豚肉套餐 每位$198藥膳醉雞湯底上枱就聞到好香嘅酒香味，雞肉同藥材配料俾得好足，味道夠晒濃。跟餐會先送你一set肉類拼盤，入面有美國牛頸脊、美國牛板腱、鹿兒島茶美豚肉眼同五花腩豚肉，4種肉質都好出色，當中個人最鍾意就係鹿兒島茶美豚，薄片加上滿佈雪花，入口超軟腍多汁，加埋湯底嘅酒香味超正。火鍋配料個人覺得好正嘅係：香菇貢丸超級大粒，味道又夠晒香口。陳皮魚蛋彈牙有口感，有淡淡嘅陳皮香味。蜂巢豆腐食火鍋如果個湯底超正就必點，湯汁浸晒入去咬落爆汁果下超正👍🏻。熟食方面我就試勻晒佢全部種類嘅壽司卷，包括蟹柳小卷、青瓜小卷、玉子小卷、加州卷、太卷同三重芝士大蝦反卷，事關佢哋本身係居酒屋，壽司有返咁上下水準。另外就係牛肉薯餅，外脆內軟仲有濃郁牛肉薯蓉，好味😋。甜品種類有雪糕、雪米滋、雪糕泡芙等，飲品有各類汽水、樽裝茶、紙包飲品同啤酒任飲。天鳥居酒屋 (天水圍)天水圍天華路33號T Town North 2樓N212號
五花腩豚肉套餐 每位$198藥膳醉雞湯底
上枱就聞到好香嘅酒香味，雞肉同藥材配料俾得好足，味道夠晒濃。
跟餐會先送你一set肉類拼盤，入面有美國牛頸脊、美國牛板腱、鹿兒島茶美豚肉眼同五花腩豚肉，4種肉質都好出色，當中個人最鍾意就係鹿兒島茶美豚，薄片加上滿佈雪花，入口超軟腍多汁，加埋湯底嘅酒香味超正。
火鍋配料個人覺得好正嘅係：
香菇貢丸
超級大粒，味道又夠晒香口。
陳皮魚蛋
彈牙有口感，有淡淡嘅陳皮香味。
蜂巢豆腐
食火鍋如果個湯底超正就必點，湯汁浸晒入去咬落爆汁果下超正👍🏻。
熟食方面我就試勻晒佢全部種類嘅壽司卷，包括蟹柳小卷、青瓜小卷、玉子小卷、加州卷、太卷同三重芝士大蝦反卷，事關佢哋本身係居酒屋，壽司有返咁上下水準。另外就係牛肉薯餅，外脆內軟仲有濃郁牛肉薯蓉，好味😋。
甜品種類有雪糕、雪米滋、雪糕泡芙等，
飲品有各類汽水、樽裝茶、紙包飲品同啤酒任飲。
天鳥居酒屋 (天水圍)
天水圍天華路33號T Town North 2樓N212號
Post
