小灶子 (Closed)

如果可以，會盡量選擇小店，當然小得黎都要有heart 。因為辦事才到訪荃灣，早聞呢邊有好多美食，但基本一年都唔去一次，難得入去一定要揀最想食。Search 到小灶子主打較平價重量All day，係夏天走足20分鐘都想試下。老細幾nice, 半自助style, 選了坊間少有提供比利時鬆餅（窩夫）all day，但呢個combo冇炒蛋而係omelette。先講鬆餅，粉開得幾好，即製既餅係面脆脆地，裡面又吾會超乾，加honey食幾good，但要求重牛油香既朋友就唔會係你杯茶。比足兩塊，仲想點。Omelette 太重油味，蛋有少許overcook , 連裡面火腿、煙肉一齊食先ko到，但幾足料。薯角普通，吾夠脆，到香腸又吾錯，沙律夠新鮮。飲料吾係呢度強項，只點安全款凍檸茶解渴。其實呢度每一度既presentation 幾靚，有日本當地cafe既樣，但味道吾係超讚，以份量取勝。有機會可以食第二次。