Video
Read full review
2020-01-08
1382 views
我同男朋友拍拖成日都食大戶屋，無論喺太古、荔枝角同埋荃灣嘅aeon，我地都有幫襯過，其實佢食物質素唔錯，啲嘢食都幾精緻，而且定食可以添飯，一定夠飽。不過，我哋食過10幾次，覺得大戶屋有個通病，就係等位嘅時候，明明入邊好多空位，都要客人喺門口度白等。例如我哋今次前後腳到，我遲到，去到諗住入去直接揾男朋友，因為見佢冇乜人，但入去搵唔到，諗住問店員有冇位，佢就叫我出去等位。好彩我男朋友早到，一早拎咗張A 004 ，我到嗰陣係到a 005 ，我男朋友俾咗張飛個店員，我哋就即刻有得入去。呢一個做法好明顯係餐廳上有客人喺門口等位，令其他人覺得餐廳好受歡迎。其實呢個做法唔係咁理想，會令等嘅人客白企15分鐘至半個鐘不等，都仲未計入去上菜點餐嘅時間。《入到去，其實真係好多空位。》不過入咗去，都照叫嘢食。入到去安排左二人位，因為冇位擺野，於是想搵職員幫手。荃灣分店唔知其他大戶屋可以撳鐘，所以要三催四請職員，先有一位職員肯俾個籃我哋擺嘢。睇嚟依度人手唔係好夠。呢度有一啲特別嘅Menu，例如串燒、壽喜燒等等。我就叫咗個泡菜豬腩片定食，男朋友就叫咗豬扒飯配蕎麥面。另外我哋留意到大戶屋會員app 送雙球雪糕，所以
不過，我哋食過10幾次，覺得大戶屋有個通病，就係等位嘅時候，明明入邊好多空位，都要客人喺門口度白等。
例如我哋今次前後腳到，我遲到，去到諗住入去直接揾男朋友，因為見佢冇乜人，但入去搵唔到，諗住問店員有冇位，佢就叫我出去等位。
好彩我男朋友早到，一早拎咗張A 004 ，我到嗰陣係到a 005 ，我男朋友俾咗張飛個店員，我哋就即刻有得入去。呢一個做法好明顯係餐廳上有客人喺門口等位，令其他人覺得餐廳好受歡迎。其實呢個做法唔係咁理想，會令等嘅人客白企15分鐘至半個鐘不等，都仲未計入去上菜點餐嘅時間。
《入到去，其實真係好多空位。》
不過入咗去，都照叫嘢食。入到去安排左二人位，因為冇位擺野，於是想搵職員幫手。荃灣分店唔知其他大戶屋可以撳鐘，所以要三催四請職員，先有一位職員肯俾個籃我哋擺嘢。睇嚟依度人手唔係好夠。
呢度有一啲特別嘅Menu，例如串燒、壽喜燒等等。我就叫咗個泡菜豬腩片定食，男朋友就叫咗豬扒飯配蕎麥面。另外我哋留意到大戶屋會員app 送雙球雪糕，所以就叫買，不過留意番要照交服務費。
泡菜燒豬腩片鍋
21 views
0 likes
0 comments
泡菜燒豬腩片鍋
14 views
0 likes
0 comments
泡菜豬腩片定食：鍋物保持一貫水準，材料好充足，亦好夠泡菜味。不過我略嫌豬腩片黐埋一舊，有啲難咬開，泡菜都係黐埋一舊，咬落去味道會過濃。而白飯係用珍珠米，食落去幾黏口。另外佢嘅前菜，係柚子汁金菇海草，酸酸地都不錯。
豬扒配蕎麥麵
140 views
0 likes
0 comments
豬扒飯加蕎麥面：蕎麥面質地唔錯，配埋有香蔥嘅麵汁，都有一貫水準。
不過佢嘅炸豬扒真係好一般，炸皮同埋肉炸到離行離辣，咬落去無乜肉味，應該係炸嘢時候油温唔夠高，唔能夠鎖住炸皮同肉汁。
唔怪得大戶屋嘅豬扒，通常都會浸係湯到，咁樣真係好味啲，所以我哋擺番落泡菜鍋度。
豬扒下低有啲沙律同飯，男仔食一定夠飽。
最後，我哋食埋個甜品，雪糕有五隻味可以揀，我哋揀咗芝麻同雲呢拿，雪糕味道唔濃，唔算好甜，點埋紅豆會好食啲。
最後，我哋都俾咗二百幾蚊埋單。
其實，大戶屋食物質素一向唔差，食物種類多而份量有多，係有啲細微位可以再執。
不過，佢餐廳安排上要客人係有位嘅餐廳外面等位，可以再執整吓，就算唔夠人手，都可以比客人入嚟坐低先，而唔係製造多人排隊嘅假象。
另外，荃灣分店人手真係唔太夠，淨係買單嗰下先唔使三催四請，有時浸水都要自己靚，仲要收服務費，真係有待改善。
最後補張臨走影嘅相，鋪頭出面全部都係人，但入面有空位。
Post
