爆汗串串 (Closed)

突然好想食啲有特色嘅菜式，揾揾下就揾到呢間係廣華街附近嘅餐廳。好彩我同朋友預早book咗位，之後已經見到好多人係出面排緊隊。我哋大概19:15入座，每位$168+1，可以食到21:30。如果要飲品就另加$30，所以其實埋單每人都要$220左右。食物選擇唔算多，質素一般，有得叫埋小食。雖然食完既籤不斷增加，但每次每串得一粒，每人每輪只可以叫兩串，有啲唔夠喉。湯個方面，我哋叫咗小辣，辣度適中，但不斷重用第一輪碗湯，所以後來碗湯又凍又唔辣😂Overall雖然有gimmick，但食落真係有啲普通，性價比唔算高，用咁既價錢suppose食到更高質既餐廳。