PizzaExpress (V City) (Closed)

疫情嘅關係導致少食咗薄餅，所以好耐冇食因為限聚令嘅關係，所以啲枱都分隔得有啲距離，坐得非常之舒適。雞肉沙律佢嘅雞肉同其他嘅菜式唔係太夾，用咗乳酪汁配合桃同提子乾，反而呢三樣嘢就會比較夾啲，但係啲雞肉都總係格格不入所以一般般啦。點可以唔試吓呢隻麵包呢，我覺得呢個意色焗肉丸算係呢度嘅招牌菜，茄醬係真材實料，真係有好多蕃茄蓉壓碎整醒，表頭審上厚厚嘅芝士同香草，你食得出啲肉丸係新鮮肉去整，所以攞啲麵包去點將係非常之好味㗎 ！成日嚟呢度我都係食北京填鴨pizza，今次轉下新意思，呢款pizza有火腿芝士蘑菇同埋橄欖呢幾樣野整成，我自己都係覺得北京填鴨醬會好食啲，始終嗰隻將會比較特別，呢一款就清新少少啦。