Video
Read full review
2018-08-23
3183 views
自己本身係中上環番工，但如果唔係同事介紹，都唔知道呢到有個好多餐廳嘅大廈！呢個大廈嘅入口比較隱蔽，係要轉入個巷先見到，你係唔會想像到入面有得食高級嘅西餐上到去發現餐廳裝修比想像中簡單，牆身以米白色階磚切成，天花上充滿了藍天白雲。餐廳除咗室內嘅地方之外，原來出面仲有個小露台Pan Seared Foie Gras with Pineapple and White Radish 78鵝肝如果自己一個食就會太漏，咁樣加左白蘿蔔同菠蘿上去，菠蘿嘅酸酸甜甜同埋白蘿蔔嘅水份更加能突顯鵝肝嘅油香，同時間又唔會覺得好膩Chicken Soft Bones Skewers 68外加嘅調味冇蓋着雞軟骨嘅肉香，雞軟骨燒得啱啱好，咬落爽脆，唔會燒到乾身咬唔到。可以係圖上見到每一塊肉同軟骨都係間住間住咁砌成，保證你每一啖都食到雞軟骨Baked Escargot with Wasabi Mashed 78肉質咬落腍身，佢嘅醬汁令個肉都吸哂個味道。個wasabi mashed更加有驚喜！之前未試過呢個配搭，薯蓉本身都會好易食濟，但加咗適量嘅wasabi令個薯蓉好fresh之餘又唔會太攻鼻，份量啱啱好👍🏿香煎三文魚扒
上到去發現餐廳裝修比想像中簡單，牆身以米白色階磚切成，天花上充滿了藍天白雲。餐廳除咗室內嘅地方之外，原來出面仲有個小露台
Pan Seared Foie Gras with Pineapple and White Radish 78
鵝肝如果自己一個食就會太漏，咁樣加左白蘿蔔同菠蘿上去，菠蘿嘅酸酸甜甜同埋白蘿蔔嘅水份更加能突顯鵝肝嘅油香，同時間又唔會覺得好膩
Chicken Soft Bones Skewers 68
外加嘅調味冇蓋着雞軟骨嘅肉香，雞軟骨燒得啱啱好，咬落爽脆，唔會燒到乾身咬唔到。可以係圖上見到每一塊肉同軟骨都係間住間住咁砌成，保證你每一啖都食到雞軟骨
Baked Escargot with Wasabi Mashed 78
肉質咬落腍身，佢嘅醬汁令個肉都吸哂個味道。個wasabi mashed更加有驚喜！之前未試過呢個配搭，薯蓉本身都會好易食濟，但加咗適量嘅wasabi令個薯蓉好fresh之餘又唔會太攻鼻，份量啱啱好👍🏿
香煎三文魚扒配黑松露意粉 168
三文魚扒煎得好香，我特別喜歡佢個醬汁，同三文魚扒嘅味道好配合，幾乎每一啖都要點醬汁嚟食！意粉唔會煮到腍身，黑松露醬味道濃烈，絕對無偷工減料
慢煮鹿兒島黑豬柳配日式吉列飯團，黃梅蓉及蘋果醬汁 188
一見到個吉列飯團就想試下，好少係餐廳食飯團，除咗啲居酒屋之外。飯團外面燒成脆嘅，入面嘅飯粒乾身，但成個飯都有味👍🏿 黑豬柳因為用咗慢煮方式，所以肉質保持嫩滑，肉質結實得嚟一咬就咬開
Fresh Mango Semifreddo 58
呢個芒果慕絲質地比較實，咬落同平時入口溶嘅慕絲唔同，呢款有少少似食雪糕😛
Homemade Lemon Tart 58
特別鍾意呢個！因為佢個面係焦糖面，表面甜甜地，入面又酸酸地，勁match!!
Post
