囍源古早蛋糕 (Closed)

去深水埗玩具街買玩時，行行下好多人，原來都係等古早蛋糕出爐。囍源古早蛋糕有大概六十多款口味，每日新鮮製作，而且用左正宗古早方法。我要左奶皇古早味蛋糕同檸檬柚子古早味蛋糕，奶皇味有蛋香味，蛋糕呈現黃色邊同黃色底，無燶邊，焗爐特別訂製，蛋糕鬆軟，食落唔會有苦味。檸檬柚子味有微微既柚子味，清新唔膩，而且蛋糕濕潤軟綿綿，店主主張低糖少油，都好健康喎。店鋪有時會有新款限定，不過想指定口味，要預早一星期落訂了。