富臨漁港囍臨門酒家 (Closed)

呢個富臨食物價錢同出邊差唔多，茶位就貴少少。座位都幾闊落，坐得舒服。食物味道就普普通。年糕唔係間間酒樓有得食，呢個唔算好甜， 煙韌口感唔錯。豬腳薑都算幾細碟，平時出面食都起碼有兩隻雞蛋，呢到豬皮好多，薑好辣唔算多根。味道正常。呢個茄子釀魚肉上枱熱辣辣。魚肉唔多唔少，份量岩岩好，茄子邊都有少少脆，唔錯。泰式綠茶糕好彈牙，唔黐牙，但味道好淡。好後悔點咗，完全浪費胃空間。流沙包一碟一個。size 都幾大。都夠熱，流沙餡唔流，質感結結地，味道都正常。黑椒牛仔骨細細碟，牛仔肉份量算多，但味道普通，都頗清淡，墊底蘿蔔更吸引。