野玩海店 (Closed)

第一次寫評論，呢次真係差到唔寫唔得。同事生日，黎左呢間餐廳食午餐。7個人叫左4份午餐，(當中有一個沙律，一個意式腸肉意粉，一個白汁菇菌意粉，一個炸雞薯條)，再加一個薄餅，一個豬手，一個鰻魚炒飯，同兩個窩夫。一個字，差到冇得再差。沙律份量又細又難食，啲意粉勁水，炸雞勁油同得啲炸粉，薄餅冇味，鰻魚係惺嘅，窩夫係燶嘅，要數最差，一定係個豬手，真係硬到落唔到刀，叫個侍應拎俾廚房切，個侍應仲講係我地冇企起身切，食唔到個力，然後個侍應幫手切，連佢自己都話 “硬過舊石頭”，之後補句 “咁就正喇”，我心諗咬石頭正係邊度，黎到呢度佢真係切唔到，懶係講句 “你地食住先” 就行開左。得裝修幾特別。完。