金牌海鮮火鍋 (Closed)

呢間係香港都開左好幾年，口碑一向唔差，最近佐敦分店終於開，夜晚經過就緊係要黎試吓啦！金牌牛骨鍋($188)，係呢間出名嘅湯底，個湯一黎到見到嘅唔單單係一個普通嘅湯底，而係一個由超多料同好濃郁嘅湯底。與其話佢係一個牛骨鍋，更加覺得係一個牛雜鍋！因為佢入邊除左有牛骨之外仲有牛雜，食舊蘿蔔已經可以知道個湯底有幾咁濃郁，鍾意食牛嘅可以試吓。本地手切牛肉($268小；$328大)，價錢睇落就唔太平，但係上枱個份量又唔少喎，而且食落去都算配得上呢個價錢，試左都覺得個牛肉係應該淥到唔太熟帶少少生咁樣係最好食嘅，食落去可以感覺到佢個油脂分布好平均，而且係好淋！枱面仲有一個好似係「美極鮮醬」嘅汁可以點，點完食更鮮味。鮮炸響鈴($58)，呢個響鈴係一定要試，因為佢係即叫即炸！將腐竹擺落油鑊度炸同時快手卷好，就整好熱辣辣既響鈴！「1、2、3」，放落湯底三秒就食得架啦，吸哂湯底嘅精華之餘仲食到小小鮮炸嘅味道，好味！自家製四寶丸($108)，呢個四寶丸分別係牛肉、豬肉、鯪魚同埋蝦！呢個四寶丸食得出係手打嘅但係當中最出色嘅就係豬肉丸，同出邊食嘅好唔同！自家製潮州魚蛋($88)，呢個魚蛋係新鮮剁嘅魚然後攪拌再打起而