古今二 (觀塘工業中心)

Open Now

Now Closed

疫情之下無左晚市堂食，但無阻我想食日本菜既熱情，就算得返外賣，我都要買返屋企慢慢嘆。日式麻醬秋葵豆腐沙律($75)，頭盤食返個開胃沙律，豆腐超滑溜配埋麻醬和芝麻一齊食好香口，秋葵和生菜新鮮爽口。彩虹卷($98)，店鋪出名係對卷物既創意，我買左彩虹卷，魚生上混合埋牛油果顏色鮮豔，賣相已經好吸引，魚生肥美，新鮮有魚既油脂香味。壽司薄餅千島醬海鮮($88)，餅底係用米飯壓成，再去炸至金黃色，雖然放涼左但餅底無變硬，仍然脆口，三文魚粒配脆口餅底，口感層次豐富。日式炒烏冬($78)，性價高，因為超級大碗必定飽肚，烏冬炒得惹味，木魚碎香口，仲有彈牙既鳴門卷。黑豚豬頸肉串($26)，肥瘦均勻，軟腍得黎帶點爽口。椒鹽雞腎($38)，處理成細細粒咁，食落爽口易咬，加左椒鹽除左惹味d，仲帶有少少辣味。