古今二 (觀塘工業中心)

Open Now

Now Closed

難得有時間又可以去觀塘覓食，不得不說工業區真係美食天堂🤩雖然間鋪喺工業區入面，不過都好近地鐵站出口，而且唔算太難搵～入到鋪頭入面去，其實唔算有太多位，但勝在每枱嘅空間夠闊綽👍🏻加上夜晚六點幾食，但已經有好多人入座🤭入到去叫咗少少卷物、沙律同埋天婦羅，大部分嘅賣相都幾唔錯～首先，講咗個秋葵蝦肉天婦羅先，其實都影咗一陣相先食，不過佢都仲係好脆，唔會話好快就淋咗🤣而且蝦肉嘅比例都真係多嘅，相當足料👍🏻另外，好有特色嘅火焰壽司，冇諗過送上嚟之後可以打卡🤭🤭而且都幾特別呢個係龍捲風沙律，雖然睇上去好似好普通咁，但佢嘅醬料應該係有幾種撈埋一齊，唔係好分得清係用咗啲咩醬料，但個味道有甜有辣，都幾特別，係目前我喺其他餐廳未食過嘅味道🫶🏻🫶🏻最後就係其他嘅卷物，大部份都整得好有水準，刺身都新鮮嘅，上菜嘅時候入邊嘅海老都係熱辣辣，所以整體而言其實對呢間餐廳嘅菜式都滿意🤣🤣都不枉我專登嚟觀塘走咗呢一轉🤣如果有機會嚟觀塘嘅話，應該會再返嚟食多次🤤

日式蟹籽蟹柳青瓜沙律真係清新美味！首先，蟹柳新鮮甜美，配上脆脆嘅青瓜，口感豐富。蟹籽點綴其中，每一口都係細膩嘅爆漿口感，令整個沙律更加有層次感。再加上和風醬嘅清香，整道沙律係清新中帶有鮮甜，完全係夏日嘅必選美食！真係一試難忘！🥗🦀😋鰻魚多士真係一個驚喜嘅美食享受！烤得剛剛好嘅多士外脆內軟，夠晒香脆，再配上肥美嘅鰻魚片，鰻魚香甜軟嫩，完全融入多士中。淋上少少鰻魚醬，味道更加豐富，每一口都係完美嘅結合。呢款多士不單止有豐富嘅口感，仲帶出鰻魚嘅鮮甜，非常值得一試！🍞🦑😋叫咗幾款新穎嘅卷物 蜘蛛 富士山 超級龍捲風 上面仲有薯片 估唔到有食材夠晒新鮮 令成個菜式口感更加豐富

呢間一直keep住水準，所以都黎左好多次了， 今次帶左朋友黎食，佢都話好食🤭環境坐落都幾舒服！呢到食物好多樣，主打日式菜。今日唔算太肚餓，叫左3 樣野，同朋友聚會一下。仙台牛肉咬落去肉質柔軟，調味岩岩好，而且仲好juicy,唔會乾柴。佢面頭仲有啲炸蒜片，配埋一齊食更加香口！雜錦天婦羅有蝦、蕃薯、秋葵等等， 外皮炸到好酥脆，但唔會厚粉。蝦肉大條而且彈牙！ 蕃薯係我最愛，超級甜！日式煎餃餃子煎得好靚，皮薄餡靚，而且咬落去仲會爆汁，好juicy。整體黎講，價錢中規中矩，味道有上準，想食日本野，好多時都會諗起古今！

平時都知道觀塘工廠大廈呢頭有好多hidden gem係朋友嘅推薦之下 今晚就嚟試咗呢個充滿特色同埋創意嘅卷物 menu上嘅每一款唔單止個名好有趣 賣相都十分吸引 所以我地都眼花撩亂 心大心細雖然每款都想試試 但係梗係唔好左浪費鬼啦 所以我地都係叫左3款 卷物唔單止好吸睛 好岩打卡 份量仲好多好豐富 性價比十分高 我自己就最鍾意炸蝦卷 食落唔單止有脆卜卜crunchy嘅口感 配埋醬汁更有日式風味 充滿特色！下次一定會再朋友黎試埋其他卷物

牛肉壽喜鍋 這道菜一上桌就讓我們驚訝不已，因為鍋子實在太大了！裡面裝滿了豆腐、兩隻巨型菇🍄、豐富的牛肉和娃娃菜。將蛋漿倒進去一起享用，味道真是絕佳，太好吃了！💕大阪自家製炸雞這個炸雞熱乎乎地上桌，外皮酥脆，咬下去的口感非常好，炸粉不厚，讓人忍不住想再來一份，味道既邪惡又美味😈。日式章魚小丸子這道章魚燒性價比超高，外皮香脆可口，味道一流，外賣店的價格幾乎也是這個水平，真的很划算！😋整體而言，今晚的晚餐讓人相當滿意！每道菜都很有水準，下次再來嘗試其他美食！

日本菜｜古今｜觀塘—————————🫶🏻 豚肉卷 這道豚肉卷選用新鮮的豬肉，包裹著各種新鮮蔬菜，口感豐富，外脆內嫩。烤制後的豚肉香氣四溢，配上特製醬汁，讓人一口接一口，無法抵擋。🫶🏻 三文魚炸蝦卷 三文魚炸蝦卷是一道結合了鮮嫩三文魚和酥脆炸蝦的創意卷。每一口都能感受到鮮美。外層的炸脆口感與內裡的嫩滑形成完美對比，絕對是壽司愛好者的心頭好。 🫶🏻 海膽壽司 卷選用新鮮的海膽，搭配醋飯，口感滑順，讓人感受到海洋的純粹。—————————📍觀塘觀塘道436-446號觀塘工業中心4期1樓B室—————————-Overall 💗💗💗💗#古今二 #觀塘工業中心#觀塘美食

之前同朋友去過尖沙咀分店嘅呢間餐廳，覺得幾好食，於是今日咁啱同同事喺觀塘收工，諗緊happy Friday食咩晚餐好，上網一睇原來呢間餐廳觀塘都有分店，所以就即刻一枝箭咁樣過咗嚟，呢間餐廳同尖東嗰間嘅分店嘅感覺好唔一樣，但係嘢食都一樣樣好好食。呢度最出名就係食卷物，我哋今次叫嘅呢個有我最鍾意嘅海膽，上邊更加用咗一啲食用花去裝飾，真係勁靚，見到都已經心情大好。炸物都好好食，帶得好酥脆。最後個帶子炒飯我都幾推介，炒得好入味，啲飯粒粒分明，幾一般日式餐廳更加好食。

今次同朋友兩個人食，佢一開始幫我叫埋野食。後尾我去睇有咩未到，先知我食左兩舊用紫菜包住蟹柳嘅卷係$148六舊嘅火焰海膽卷😨食左個兩舊除左食唔到海膽味，亦唔多見到有海膽… 試諗下係我明知我朋友唔食海膽都以為係普通蟹柳卷問佢食唔食… 我一向都極少勞煩樓面，但我今次真係忍唔住問係咪出錯左野😂欣賞樓面係有禮貌嘅，講番海膽係包住舊蟹柳，後來再補充話啲海膽產地可能有影響，講哂唔好意思咁。我後來食多兩舊，用筷子撩舊蟹柳都唔知海膽係邊，一度諗定係海膽打左做面個啲醬…食到最後兩舊我終於見到有啲海膽包住舊蟹柳啦！個份量好似都少過倫敦橋面個啲。 第二日朋友同我講佢食完成晚都好口渴，唔知係咪拉麵啦，因為得佢有食😂 蠔🦪好鮮味嘅，都唔係細隻👍🏻兩個人食左900左右，可能係揀嘅野食問題，個人認為性價唔算高。

今日喺觀塘整嘢見未夠鐘又餓餓地就去搵嘢食😋原來觀塘開左間專食特式卷物既餐廳對於日本胃既我梗係即刻試下😋-超級龍捲風+倫敦橋🍣兩個名都改得好搞笑😂超級龍捲風即係有海老🦐，鰻魚，芝士🧀再加埋青瓜🥒同脆片整成。一啖擺入口口感非常豐富，海老🍤炸得好香口唔會因為太多材料而令到味道變得奇怪🤤倫敦橋就係三文魚加青瓜脆片，面頭再加埋新鮮海膽，呢個真係不得了，非常好食❤️❤️-富士山+左口魚壽司+帶子壽司左口魚灸燒得好香，入口即溶帶子新鮮有甜味，而且好厚肉富士山即係牛油果卷物，配上超多蟹柳，呢種食法好創新，夠特別😝估唔到呢間都幾好食以後去開觀塘都可以再試其他款式❤️❤️❤️

因為父親節，所以揀左呢間餐廳食總結黎講乜嘢份量都好細ge餐廳⋯⋯我真係估唔到d壽司係迷你版ge⋯⋯海膽三文魚壽司係好食ge😋但係真係一啖就無左lor記清酒煮蜆 居然係有沙？！餐廳d蜆有沙真係好失望⋯牛舌都正常刺身拼盤都ok不過唔明點解拼盤d海膽有d係一pat pat的⋯⋯ 海膽炒飯的感覺係一人份量⋯⋯見到百幾蚊真係O曬味道係普通蛋炒飯最後四個人都係食唔飽再叫左壽喜燒鍋我自己一個食左粒生蠔🦪味道黎講普通，唔係話偏甜個種工廠大廈店四個人食左一千四百幾⋯⋯真係無下次⋯⋯

好耐之前同朋友嚟呢度食生日飯，記得佢哋嘅壽司都做得幾好。太耐冇食日本嘢，近近哋又再嚟試吓佢～🌟三文魚牛油果卷•午夜牛郎‼️完全將我最愛嘅2樣食材結合埋一齊，佢哋嘅三文魚好新鮮，又肥美！加埋牛油果軟滑嘅口感，真係好正，好好食！🌟三文魚腩 龍捲風沙律‼️三文魚實在太好味，決定叫多份三文魚腩，就咁睇都知佢夠肥美！新鮮不在話下，一啖咬落去，豐腴嘅口感真係滋味！佢哋嘅沙律入面嘅配料好多，最鍾意面層嘅蟹籽，脆卜卜嘅口感，真係好正！

朋友話好想試吓古今啲壽司，我當然陪佢去食啦，因為我都好耐無食了！佢啲創意壽字好多都會有芝士，十分濃味，所以好岩芝士控！「紅龍卷」 - 卷物面上鋪左赤身，魚味濃郁。中間卷有每粒再以一點芝士醬作點綴，有芝士的奶香，剛好不會太搶味；中間包裹著炸蝦天婦羅，金黃酥脆又彈牙，毫不油膩~另外「三文魚牛油果卷」有魚脂香之外又有牛油果嘅滑，健康好味！「日式炒烏冬」好夠汁，唔會乾，好惹味！「清酒煮蜆」 清甜肉嫩！下次再來！

古今二地址：觀塘觀塘道436-446號觀塘工業中心4期1樓B室放工食咩好🤪火焰金龍卷•東京爆脆 🔥呢個火焰金龍卷•東京爆脆，一咬落去，外脆內軟，啖啖都係驚喜！而且仲好大份，真係大份到爆炸呀！💥火焰金龍卷•青龍卷 🔥呢個青龍卷，色彩繽紛，香氣四溢，一口咬落去，三文魚鮮甜多汁，好新鮮呀。龍捲風沙律 🥗新鮮蔬菜搭配特製醬汁，清爽爽又唔失味，真係開胃又健康！🌬️#nicefoodie觀塘-—————#food #hkfoodblog #hkgoodblogger #foodie #foodblogger #goodstagram #hkfood #hkfoodie #hkfoodlover #delicious #hk #香港 #美食 #觀塘#美食 #打卡 #觀塘 #香港口味 #隱世美食 #隱世小店 #半價優惠 #人氣餐廳 #人氣美食 #香港好去處 #日菜 #日餐

觀塘雖然出名食肆多，但人流更多。好多食肆都會大排長龍。最怕人多嘅我今次做足功課，搵到間係觀塘道鬧市中相對靜中帶旺的餐廳開餐。餐廳係觀塘道觀塘工業中心四期，港鐵站步行一分鐘就到，地點非常方便。用餐時間係星期三晚上六點左右，由於時間尚早，入座時眼見都不算多人。- 龍卷風沙律⁴⁸龍卷風沙律有生菜、中華沙律、蟹柳絲，飛魚籽等等，配合酸酸甜甜的沙律醬汁，味道相當開胃，口感豐富，份量十足，非常抵食！- 青龍卷⁵⁵青龍卷表面有新鮮的牛油果，內裡包著鮮味蟹柳以及鰻魚。一大啖咬落去，鰻魚味道鮮味出眾，然後就到牛油果的香味慢慢滲出，味道相當配搭，非常美味！- 埼玉網燒牛舌⁷⁸埼玉網燒牛舌味道濃郁，口感軟腍富彈性。咬落肉汁滿滿，牛迷必選！- 鹿兒島豚肉露筍⁴⁵鹿兒島豚肉肉味濃郁，鮮味無窮。配上口感鮮嫩爽脆的露筍，清新開胃。清新感覺剛好可中和豚肉的膩感，必食！- 蜘蛛⁹⁶創意卷物蜘蛛當然不是由蜘蛛而成！蜘蛛卷是由炸軟殼蟹、牛油果、蟹柳，青瓜組成。炸軟殼蟹炸得外面酥脆，內裡肉質軟嫩，味道咸咸香香！ 而牛油果剛熟夠新鮮，一軟一脆口感特別美味！ 整體餐廳評分很高。餐廳環境闊落舒適，枱與枱距離充足，很適合一大班朋友飯

之前曾經試過一客卷物叫『忘不了你』，真的令我忘不了它。今次特意帶我女兒過來，我們點了兩個定食，分別是豬軟骨豬骨湯拉麵和芝士燒牛肉丼,可是這兩個都是很一般。但『忘不了你』實在為餐廳挽回不少分數，由芒果,炸牛肉和芝士組合而來的卷物 ， 結論是一個字『夾』， 這裏還有很多出色的卷物，例如青龍捲，黑龍捲和超級龍捲風等等 。如果大家對卷物，魚生和壽司情有獨鍾， 一定要過來試試。